9 ستمبر کو موصول ہونے والی اطلاعات کے مطابق، ڈیموکریٹک ریپبلک آف کانگو (ڈی آر سی) کے قومی ادارہ صحت نے بتایا ہے کہ ملک میں جاری ایبولا کی وبا کے دوران مجموعی طور پر 6,757 تصدیق شدہ کیسز سامنے آئے ہیں، جن میں سے 3,267 مریض جاں بحق ہو چکے ہیں، جبکہ شرحِ اموات تقریباً 48.3 فیصد ریکارڈ کی گئی ہے۔
اسی روز عالمی ادارہ خوراک (ورلڈ فوڈ پروگرام) نے کہا کہ مشرقی کانگو میں ایبولا کے خلاف مؤثر اقدامات کے لیے صرف طبی علاج کافی نہیں، بلکہ خوراک کی امداد کو بھی وبا کی روک تھام اور اس پر قابو پانے کی کوششوں کا حصہ بنانا ضروری ہے۔
وبا سے سب سے زیادہ متاثرہ علاقے صوبہ ایتوری میں 5 لاکھ سے زائد افراد شدید غذائی عدم تحفظ کا شکار ہیں اور بھوک کے باعث موت کے دہانے پر پہنچ چکے ہیں۔
