چینی نئے سال کی آمد کے ساتھ ہی مختلف ممالک میں گھوڑے کے سال کی مناسبت سے “ہیپی چائنیز نیو ایئر” کے عنوان سے تقریبات کا سلسلہ جاری ہے۔ حالیہ دنوں میں امریکہ، اٹلی، پولینڈ، یونان، یوکرین، سینیگال، فلپائن، کانگو (برازاویل) اور موریطانیہ سمیت متعدد ممالک میں تقریبات منعقد کی گئیں۔
اسی طرح نیویارک، ممبئی اور استنبول میں قائم چینی سفارت خانوں کے علاوہ اقوام متحدہ کی فوڈ اینڈ ایگریکلچر آرگنائزیشن میں چین کے مستقل مشن کی جانب سے بھی جشنِ بہار کی استقبالیہ تقریبات کا اہتمام کیا گیا۔علاوہ ازیں، کینیا میں چینی سفارت خانے نے گھوڑے کے سال کی مناسبت سے حال ہی میں بیرونِ ملک مقیم چینی شہریوں کے لیے ایک خصوصی تقریب کا اہتمام کیا۔ اسی طرح مالدیپ میں چینی سفارت خانے نے دارالحکومت مالے میں چینی نئے سال کی استقبالیہ تقریب منعقد کی، جس میں مالدیپ کے وزیرِ تعلیم سمیت مختلف نمایاں شخصیات، مقامی چینی باشندوں اور چینی اداروں کے نمائندوں سمیت تقریباً 200 افراد شریک ہوئے۔
